Удирдах ажилтны шуурхай зөвлөгөөн өнөөдөр буюу 2024.08.20-ны өдөр зохион байгуулагдлаа. Тус хуралдаанаар Хэрлэн сумын Засаг дарга Чингис хотын нийтийн цэвэрлэгээ, үйлчилгээний талаар, УЦУОШТ-өөс цаг агаарын мэдээ, ОБГ-аас үер ус, гал түймрийн талаарх мэдээлэл, Цагдаагийн газар гэмт хэрэг зөрчлийн талаарх мэдээлэл, ЭМГ эрт илрүүлгийн явцын талаар, БШУГ хичээлийн шинэ жилийн бэлтгэл ажил, СТС-Х шилэн дансны мэдээлэл , ТЗУХ-ээс өргөдөл гомдлын шийдвэрлэлтийн талаар тус тус мэдээлэл хийлээ. 

Хуралдааны төгсгөлд аймгийн Засаг дарга Ц.Чогсомжав байгууллагын дарга нарыг өвөлжилтийн бэлтгэл ажилд анхаарлаа хандуулах болон цаг үеийн асуудлаар үүрэг даалгавар өгсөн юм. Мөн цэцэрлэгийн хүүхдүүдийг шинжилгээнд хамруулах асуудлыг эцэг эхчүүд болон хүүхдүүдэд төвөг чирэгдэлгүй зохион байгуулах чиглэл өглөө.