Аймгийн Засаг дарга Ц.Чогсомжав “Хэнтий орон сууц” ОНӨААТҮГ-ын захиалгаар баригдаж буй орон сууцны ажлын явцтай танилцаж, түргэн шуурхай, чанартай гүйцэтгэхийг холбогдох албаны хүмүүст анхаарууллаа.

Аймгийн удирдлагууд иргэдийг хямд үнэтэй, чанартай орон сууцаар хангах зорилгоор “Хэнтий орон сууц” ОНӨААТҮГ-ыг байгуулж, тус газрын захиалгаар “Шинэ Өндөрхаан” хорооолол буюу нийт 5 блок орон сууц барьж ашиглалтад оруулсан. Тэгвэл одоо дахин хоёр блок орон сууц барих ажлыг өрнүүлж байна. 

Тодруулбал, “Шинэ Өндөрхаан” хорооллын 6, 7 дугаар блок болох 48, 40 айлын орон сууцыг “Алсын солонго” ХХК, “Саус Гоби” ХХК гүйцэтгэж байна. Одоогийн байдлаар 6 дугаар блок байрны барилгын ажил 60 гаруй хувьтай явагдаж байгаа бөгөөд зургадугаар давхрын цутгалтын бэлтгэл ажил хийж байна. Харин 7 дугаар блок байрны барилгын ажил 40 гаруй хувьтай, дөрөвдүгээр давхрын өрлөгийн ажил хийгдэж байна.