Хэнтий аймгийн цагдаагийн газар алба хаагчдаа соён гэгээрүүлэх ажил арга хэмжээний хүрээнд урлагийн үзлэгийг жил бүр уламжлал болгон зохион байгуулдаг билээ. 

Алба хаагчдын хувьд урлагийн үзлэгтээ чухал ач холбогдол өгч бэлддэг гэдэг нь үзүүлбэрүүдээс харагдаж байсан юм. Тэдний хувьд урлагийн үзлэг нь хүсэн хүлээдэг уралдаан болсон гэдгийг онцолж байлаа. Энэ жилийн арга хэмжээнд цагдаагийн газрын 13 нэгжийн алба хаагчид урлагийн 5 төрлөөр өрсөлдсөнөөс тэргүүн байрт: Бор-Өндөр сумын сум дундын цагдаагийн хэлтэс, Хоёрдугаар байрт: Биндэр сумын сум дундын цагдаагийн тасаг, Гуравдугаар байрт: Жаргалтхаан сумын сум дундын цагдаагийн тасгийн алба хаагчид шалгарлаа.