Хэнтий аймгийн Баянмөнх суманд Улсын төсвийн 1,9 тэрбум төгрөгийн хөрөнгөөр 19м*45м харьцаатай спорт цогцолбор баригджээ. Цогцолборын зургийг “Ангатранс” ХХК зохиож, барилга угсралтын ажлыг "Си Эйч Би Жи Констракшн" ХХК-д 2022 оноос эхлэн гүйцэтгэж 2024 оны 1 сард хүлээлгэн өгсөн байна. Уг шинэ заалны нээлтэд зориулан АБТА, удирдахуйн ухааны магистр, докторант, спортын мастер багш дасгалжуулагч Я.Сүхбаатарын нэрэмжит ВОЛЕЙБОЛЫН тэмцээн зохион байгуулагджээ.

Тус тэмцээнд Улаанбаатар хот, Хэнтий аймгийн 7 сумын нийт 29 баг хурд хүч , авьяас чадвараа сорин оролцсон байна. Үүнээс: Эрэгтэй төрөлд:

- 1-р байр - Улаанбаатар хотын GOATS 1 JEM STAR

- 2-р байр - Жаргалтхаан сумын баг Жаргалтхаан Сум ЗДТГ

- 3-р байр - Чингис хотын Боловсрол баг

Эмэгтэй төрөлд :

- 1-р байр - Биндэр сумын баг Биндэр ЗДТГ

- 2-р байр - Дархан сумын баг Дархан Сум Төрийн Мэдээлэл

- 3-р байр - Баянмөнх сумын 2-р баг

Шилдгүүд :

- Шилдэг холбогч эрэгтэй -Чингис хотын Боловсрол Б.Бат-Эрдэнэ

- Шилдэг довтлогч эрэгтэй - Улаанбаатар хот GOATS 1 багийн тамирчин

- Тэгш тоглогч эрэгтэй - Жаргалтхаан сумын тамирчин А.Амгаланбаяр

- Шилдэг холбогч эмэгтэй - Биндэр сумын тамирчин З.Тамиртуяа

- Шилдэг довтлогч эмэгтэй - Биндэр сумын тамирчин Б.Чанцалсүрэн

- Тэгш тоглогч эмэгтэй - Дархан сумын тамирчин Г.Баярцэцэг тус тус шагнагдлаа.

Мөн Волейболын спортод гаргасан амжилтыг үнэлэн Волейболын спортын 1-р зэргээр Э.Ариунаа , Э.Эрдэнэтөгс нар тус тус шагнагдлаа. Жич: Я.Сүхбаатар багш дасгалжуулагч нь Баянмөнх суманд ЕБС-ийн захирал, Засаг даргын орлогч дарга зэрэг албан тушаалд үр бүтээлтэй ажиллаж волейболын спортоор сурагчдыг дасгалжуулан хичээллүүлж олон олон амжилтыг авчирсан багш юм. Энэ удаагийн тэмцээнээр Я.Сүхбаатар багшид шавь нар болон ЕБС-аас хүндэтгэл үзүүлж , түүний шавь Э.Сүнжидмаа Волейболын спортын “ Дэд мастер “ цол тэмдгээр шагнагджээ.