Дугуй сонирхогчдыг дэмжих, хүүхэд залуучууд, иргэдийн дунд дугуй унах сонирхлыг төрүүлэх ба стресс ядаргаа тайлах, зүрх, уушигны ажиллагаа сайжрах, чихрийн шижин, цусны даралт нэмэгдэхээс урьдчилан сэргийлэх зорилгоор "Дугуйн фөстивал-2024" арга хэмжээг Баруун-Урт сумын ЗДТГ, ИТХ, аймгийн БТСГ, Уртын гэгээ ОНӨҮГ, Шилийн богд дугуйн клуб, BBS телевиз хамтран 2024 оны 04 дүгээр сарын 20-ны өдөр зохион байгуулж байна. Тус арга хэмжээнд -Байгууллага, аж ахуй нэгж, сонирхогчдын дугуйн парад -Дугуйн худалдаа, солилцоо, засвар үйлчилгээ -Дугуйн "Шилийн богд" клубын танилцуулга -Нас бол тоо зурагт үзэсгэлэн -Хүнсний худалдаа, үйлчилгээ зэрэг үйл ажиллагаа зохион байгуулагдаж байна. Мөн 5 насны ангиллаар дугуйн тэмцээн, буухиа тэмцээн зохион байгуулагдаж нийт давхардсан тоогоор 150 гаруй дугуйчид оролцож байна.